ដំណឹងជ្រើសរើសបុគ្គលិក
អង្គការភ្នំស្រីដើម្បីអភិវឌ្ឍន៍(PSOD) គឺជាអង្គការមិនមែនរដ្ឋាភិបាល មានទីតាំងក្នុងខេត្តកំពង់ចាម
បានបង្កើតឡើងក្នុងឆ្នំា១៩៩៨ ព្រមទំាងបានចុះឈ្មោះផ្លូវការនៅក្រសួងមហាផ្ទៃនៅថ្ងៃទី១៥ ខែតុលា ឆ្នំា២០០០។ អង្គការភ្នំស្រីដើម្បីអភិវឌ្ឍន៍ ត្រូវបានបង្កើតឡើងក្នុងគោលបំណងជួយដល់ប្រជាពលរដ្ឋ ជាពិសេសឲស្រ្តី កុមារ និងយុវជន អាចអនុវត្តន៍នូវតួនាទីរបស់ខ្លួនក្លាយជាមាតាល្អ ភរិយាល្អ និងពលរដ្ឋល្អ ក្នុងការផ្តល់សិទ្ធិដល់ស្រ្តី និងកុមារអោយកាន់តែមានប្រសិទ្ធិភាព។ លើសពីនេះ អង្គការភ្នំស្រីដើម្បីអភិវឌ្ឍន៍ ក៏មានគោលបំណងរួមចំណែកជាមួយរដ្ឋាភិបាលលើការងារអភិវឌ្ឍន៍ចំរុះ ការលើកម្ពស់នូវអភិបាលកិច្ចល្អជាពិសេស ការលើកកម្ពស់នូវសិទ្ធកុមារ។
នៅឆ្នាំ២០១៦ PSODទទួលបានការគាំទ្រហិរញ្ញវត្ថុ និងបច្ចេកទេសពីធនាគារពិភពលោក តាមរយៈអង្គការ Save the Children
សម្រាប់អនុវត្តគម្រោង សម្លេង និងសកម្មភាព ក្របខ័ណ្ឌគណនេយ្យភាពសង្គមដើម្បីឲការផ្តល់សេវាមានភាពប្រសើរឡើង (V&ASAF) ដោយគ្របដណ្តប់លើខេត្តគោលដៅចំនួន៣ (ខេត្តត្បូងឃ្មុំ ខេត្តព្រៃវែង និងខេត្តស្ទឹងត្រែង) ។ គម្រោងសម្លេង និងសកម្មភាពក្របខ័ណ្ ឌគណនេយ្យភាពសង្គមដើម្បីឲការផ្តល់សេវាមានភាពប្រសើរឡើង មានរយៈពេល៣ឆ្នាំ ដែលនឹងត្រូវអនុវត្តចាប់ពីថ្ងៃទី០១ ខែមករា ឆ្នាំ២០១៦ ដល់ថ្ងៃទី៣១ ខែ ធ្នូ ឆ្នាំ២០១៨ ។
អង្គការភ្នំស្រីដើម្បីអភិវឌ្ឍន៍ ត្រូវការជ្រើសរើសបុគ្គលិក អ្នកសម្របសម្រួលកម្មវិធី (PC) ០១នាក់ សម្រាប់់ផ្តល់នូវសេវាបច្ចេកទេស និងសម្របសម្រួលការអនុវត្តសកម្មភាពរបស់គម្រោង
។
បទពិពណ៌នាការងាររបស់ អ្នកសម្របសម្រួលកម្មវិធី
(PC)ចំនួន០១នាក់
ក. អ្នកសម្របសម្រួលកម្មវិធី (PC)មានតួនាទី និងការទទួលខុសត្រូវដូចខាងក្រោមៈ
១.សម្របសម្រួល និងអនុវត្តសកម្មភាពគម្រោងក្នុងតំបន់គោលដៅ។
២.ទំនាក់ទំនងជាមួយស្ថាប័នពាក់ព័ន្ធ អាជ្ញាធរមូលដ្ឋាន ខេត្ត ស្រុក ឃុំ ក្នុងតំបន់គោលដៅ ដើម្បី
ពង្រឹងកិច្ចសហការ និងអនុវត្តគម្រោង ។
៣.សហការជាមួយអ្នកគ្រប់គ្រងកម្មវិធី (PM) និងផ្នែកហិរញ្ញវត្ថុ រៀបចំផែនការសកម្មភាព និង
ថវិកាប្រចាំខែ ត្រីមាស ឆមាស និងប្រចាំឆ្នាំ ។
៤.ធ្វើរបាយការណ៍ ខែ ត្រីមាស ឆមាស និងប្រចាំឆ្នាំ ជូនអាជ្ញាធរ និងប្រធានកម្មវិធី (PM)
៥.សម្របសម្រួលជាមួយមន្រ្តីថ្នាក់ស្រុកក្នុងការបិទផ្សាយព័ត៌មាន (14Cs) សម្រាប់ប្រជាពលរដ្ឋ។
៦.ធានាដល់អ្នកស្ម័គ្រចិត្តគណនេយ្យភាពសហគមន៍ក្នុងការ សម្របសម្រួលក្នុងអនុវត្តប័ណ្ណដាក់ពិន្ទុ សហគមន៍ជាមួយអ្នកពាក់ព័ន្ធ និងប្រជាពលរដ្ឋ។
៧.សម្របសម្រួលការបង្កើតគណៈកម្មការគណនេយ្យភាពរួមថ្នាក់ឃុំ
៨.ធានា និង សហការជាមួយគណៈកម្មការគណនេយ្យភាពនិងអាជ្ញាធរថ្នាក់ឃុំចុះតាមដានសកម្មភាពដែលបានព្រមព្រៀង(JAAP)។
៩.ធានាដល់អ្នកស្ម័គ្រចិត្តគណនេយ្យភាពសហគមន៍ក្នុងការ បន្ស៊ីសកម្មភាពគណនេយ្យភាពទៅក្នុង កម្មវិធីវិនិយោគឃុំ
១០.ធ្វើការកសាងសមត្ថភាពបុគ្គលិកកម្មវិធី ពីបច្ចេកទេស និងចំណេះដឹងដែលពាក់ព័ន្ធនឹង
គម្រោង ។
១១.ចងក្រឯសារនានាសម្រាប់គាំទ្រដល់ដំណើរការអនុវត្តសកម្មភាពរបស់កម្មវិធីអោយបានទាន់
ពេល និងមានប្រសិទ្ធិភាព ។
១២.ចុះត្រួតពិនិត្យ ជាប្រចាំ និងជួយសម្របសម្រួលការបើកវគ្គបណ្តុះបណ្តាល
សិក្ខាសាលា និងកិច្ចប្រជុំនានារបស់បុគ្គលិកកម្មវិធី ។
១៣.សម្របសម្រួល និងគាំទ្រអ្នកសម្របសម្រួលសហគមន៍ ការបណ្តុះបណ្តាល និងការបង្ហាត់បង្ហាញដល់អ្នកស្ម័គ្រចិត្តគណនេយ្យភាព (CAF) ក្នុងការអនុវត្ត សកម្មភាពគម្រោង ។
១៤.ត្រួតពិនិត្យការអនុវត្តសកម្មភាពគម្រោងរបស់បុគ្គលិកកម្មវិធី
១៥.វាយតម្លៃការងារប្រចាំឆ្នាំបុគ្គលិកដែលស្ថិតនៅក្រោមការគ្រប់គ្រងរបស់ខ្លួន
១៦.អនុវត្តការងារផេ្សងៗដែលមានចែងក្នុងកិច្ចសន្យាការងារនិងតម្រូវការរបស់អង្គការនិងម្ចាស់ជំនួយ ។
១៧.ជួយដល់ប្រធានកម្មវិធីចងក្រងឯកសារសម្រាប់មេរៀនជាបទពិសោធន៍ (ករណីសិក្សា) ប្រចាំឆ្នាំ ។
១៨.ទទួលខុសត្រូវ និងចូលរួមកិច្ចសហការជាមួយក្រុមសវនកម្ម ក្នុងអំឡុងពេលដែលខ្លូន ទទួល
ខុសត្រូវទោះបីជា បញ្ចប់កិច្ចព្រមព្រៀងការងារ និងកម្មវិធីត្រូវបានបញ្ចប់ ។
១៩. អនុវត្តការងារផេ្សងៗដែលមានចែងក្នុងកិច្ចសន្យាការងារ និងតម្រូវការរបស់អង្គការ
និង
ម្ចាស់ជំនួយ ។
ខ.លក្ខណៈសម្បត្តិៈ
១.មានបរិញ្ញាបត្រផ្នែកច្បាប់ អភិវឌ្ឍន៍សហគមន៍ អភិវឌ្ឍន៍ធនធានមនុស្សឬសញ្ញាប័ត្រពាក់ពន័្ធ
២.មានបទពិសោធន៍ និងចំណេះដឹងផ្នែកអភិបាលកិច្ចល្អ
គណនេយ្យភាពសង្គម ផែនការអភិវឌ្ឍ
និងកម្មវិធីវិនិយោគឃុំ ការតស៊ូមតិ និងសិទ្ធិកុមារ យ៉ាងតិច២ឆ្នាំ ។
៣.មានបទពិសោធន៍ក្នុងការរៀបចំបណ្តុះបណ្តាល សិក្ខាសាលាកិច្ចប្រជុំ វេទិកាពិគ្រោះយោបល់និងរៀបចំឯកសារគាំទ្រសកម្មភាពនានា
ដែលពាក់ព័ន្ធខាងលើ ។
៤.មានបទពិសោធន៍ក្នុងការរៀបចំ ដឹកនាំ និងអនុវត្តគម្រោង/កម្មវិធីប្រហាក់ប្រហែល
៥.មានបទពិសោធន៍ ធ្វើការជាមួយ អាជ្ញាធរខេត្ត ស្រុក និងអង្គការសហគមន៍មូលដ្ឋាន
៦.មានជំនាញទំនាក់ទំនង បង្ហាត់បង្ហាញ និងសម្របសម្រួល
៧.មានជំនាញគ្រប់គ្រង និងតាមដានថវិកា
៨.មានជំនាញក្នុងការសរសេររបាយការណ៏ ជាភាសាអង់គ្លេស
៩.មានចំណេះដឹងខ្ពស់ផ្នែកភាសាអង់គ្លេសល្អ (ការនិយាយ និងសរសេរ)
១០.មានសុខភាពល្អ និងមានលទ្ធភាពក្នុងចុះធ្វើការតាមមូលដ្ឋាន
១១.ជាអ្នកដែលមិនជាប់ពាក់ព័ន្ធនិងបទល្មើសផ្សេងៗ (អំពើ និងក្រុមភារៈកម្ម ការជួញដូរ និងប្រើប្រាស់គ្រឿងញៀន ការរំលោភបំពាន ការរំលោភសេពសន្តេវះ
និងការប្រើប្រាស់អំពើហិង្សាលើស្រ្តី និងកុមារ ។
១២.មានជំនាញ និងចំណេះដឹងក្នុងការប្រើប្រាស់Computer,
Internet និងE-mail
គ.អត្ថប្រយោជន៍ដែលទទួលបាន
បុគ្គលិក ដែលអនុវត្តក្នុងមុខតំណែង(PC) របស់កម្មវិធី V&ASAFនឹងទទួលបាននូវអត្ថប្រយោជន៍ដូចខាងក្រោមៈ
១.ទទួលបានប្រាក់បៀរវត្ស ៤៥០ដុល្លា ក្នុង១ខែ
២.ប្រាក់ខែទី១៣ ដោយចែកចេញជា១២ខែ ហើយបើកជួនជារៀងរាល់ខែ ដោយភ្ជាប់ជាមួយប្រាក់ខែ។
៣.ប្រាក់សុខភាព ១៥ដុល្លាក្នុង១ខែ
៤.កាតទូរស័ព្ទ១៥ដុល្លាក្នុង១ខែក្នុងការងារទំនាក់ទំនង
៥.ប្រាក់សម្រាប់ចូលនិវត្តិ (ប្រាក់សន្សំ ៥%នៃប្រាក់ខែគោល)
៦.ផ្តល់ជួនមធ្យោបាយធ្វើដំណើរសម្រាប់ចុះធ្វើការងារនៅមូលដ្ឋាន (ម៉ូតូ សាំង ប្រេងម៉ាស៊ីន និងថ្លៃជួសជុល )។
ឃ.កាតព្វកិច្ច
១. ត្រូវបង់ពន្ធជូនរដ្ឋលើប្របៀវត្សរ៍របស់ខ្លួន
២.បង់ប្រាក់សមាជិកភាពសម្រាប់ទ្រទ្រង់អង្គការដោយអនុវត្តតាមលក្ខន្តិកៈរបស់អង្គការ
៣. ត្រូវទិញធារ៉ាងរងដោយខ្លួនឯង ដោយកាត់ចេញពីប្រាក់សុខភាព
បេក្ខជន-បេក្ខរីដែលចាប់អារម្មណ៏ និងមានសមត្ថភាពសូមផ្ញើរប្រវត្តិរូបសង្ខេបនិងបិទរូបថត (CV និង Cover letter) ដែលបញ្ជាក់ច្បាស់ពីចំណេះដឹងជំនាញ និងបទពិសោធន៏ការងារមកកាន់ការិយាល័យអង្គការភ្នំស្រីដើម្បីអភិវឌ្ឍន៏ ដែលមាន អាស័យដ្ឋានផ្ទះលេខ ១២៦ ផ្លូវព្រះមុនីវង្ស ភូមិជ្រោយថ្ម សង្កាត់បឹងកុក ក្រុងកំពង់ចាម ខេត្តកំពង់ចាម រឺអាចផ្ញើរCV និង Cover
letter តាមរយៈអ៊ីម៉ែល povlotpsod@gmail.com
សូមធ្វើការទំនាក់ទំនងតាមរយៈទូរស័ព្ទលេខ 012 433 448 សម្រាប់ព័ត៌មានបន្ថែម។
ចាប់ផ្តើមទទួលពាក្យពីថ្ងៃជូនដំណឹងនេះតទៅនៅរៀងរាល់ម៉ោងធ្វើការ។
ឈប់ទទួលពាក្យត្រឹមថ្ងៃទី១៥ ខែឧសភា ឆ្នាំ២០១៦ វេលាម៉ោង ៥:៣០នាទី។
បញ្ជាក់ៈ ការចំណាយក្នុងការមកសំភាសន៍ជាបន្ទុករបស់បេក្ខជន-បេក្ខនារី។
ស្រ្តីត្រូវបានលើទឹកចិត្ត។