ទីតាំង: ពោសាត់ធ៏ បាត់ដំបង កំពង់ចាម ព្រៃវែង និង មណ្ឌលគីរី
សមាគមបណ្តុះកុមារជាអង្គការមិនមែនរដ្ឋាភិបាល មិនប្រកាន់សាសនា និងនិន្នាការនយោបាយ។សមាគមបណ្តុះកុមារមានទស្សនៈវិស័យជួយកុមារ និងយុវជនគ្រប់រូបទទួលបានការអភិវឌ្ឍប្រកបដោយសក្តានុពលសេចក្តីថ្លៃថ្នូរ ចីរភាព និងមានបេសកកម្មគាំទ្រការអភិវឌ្ឍធនធានមនុស្ស និងជីវភាពរស់នៅដោយមានកាលានុវត្តភាពចូលរួមពីសហគមន៍ ស្ថាប័នសាធារណៈ សង្គមស៊ីវិល វិស័យឯកជន និងអ្នកពាក់ព័ន្ធ។ ក្នុងភាពជាដៃគូជាមួយអង្គការរូមធូរីដ (RtR) និងអង្គការកុមាររីករាយ (HCC) ក្រោមមូលនិធិ គីនចាន់ (Kinchan Foundation) ដើម្បី អនុវត្តកម្មវិធីគម្រោងកុមារកម្ពុជារីករាយក្នុងការលើកកម្ពស់គុណភាព និងសេវាអប់រំកម្រិតមត្តេយ្យសិក្សា និងបឋមសិក្សាក្នុងខេត្តគោលដៅមួយចំនួនក្នុងប្រទេសកម្ពុជា ។
សមាគមបណ្តុះកុមារ សូមធ្វើការដាក់ឲ្យដេញថ្លៃជាសាធារណៈដើម្បីជ្រើសរើស ក្រុមហ៊ុន ទទួលការសាងសង់ និងកែលម្អអគារសិក្សាចំនួន១១ទីតាំង ដែលសិ្ថតនៅក្នុងសាលាបឋមសិក្សាផ្សេងៗគ្នាដោយក្នុងខេត្តពោធិ៍សាត់ចំនួន០២ទីតាំង បាត់ដំបងចំនួន០៤ទីតាំង កំពង់ចាមចំនួន០១ទីតាំង ព្រៃវែងចំនួន០២ ទីតាំង និងមណ្ឌលគីរីចំនួន០២ទីតាំង។
សមាគមបណ្តុះកុមារ សូមអញ្ជើញក្រុមហ៊ុនសំណង់ស្របច្បាប់ដែលមានចំណាប់អារម្មណ៍ចូលរួមដេញថ្លៃ គម្រោង អាចដាក់ពាក្យស្នើសុំចូលរួម និងភ្ជាប់មកនូវ ឯកសារដែលបញ្ជាក់ពីភាពស្របច្បាប់ បទពិសោធន៍ និងគុណសម្បត្តិរបស់ក្រុមហ៊ុនដើម្បីធ្វើការវាយតម្លៃទទួលបានសិទ្ធិសាងសង់ និងកែលម្អអាគារសិក្សា។
ក្រុមហ៊ុនស្របច្បាប់ដែលមានចំណាប់អារម្មណ៍សូមធ្វើការទំនាក់ទំនង មកសមាគមបណ្តុះកុមារដើម្បីសាកសួរ ព័ត៌មានអំពីការចូលរួមដេញថ្លៃ និងការរៀបចំឯកសារភ្ជាប់ ចាប់ពីថ្ងៃទី០៨ ខែមេសា ឆ្នាំ២០២៦ ដល់ថ្ងៃទី ២១ ខែមេសា ឆ្នាំ២០២៦ម៉ោង៥:០០នាទីល្ងាច។
សមាគមបណ្តុះកុមារ និងធ្វើការប្រជុំតម្រង់ទិស ដល់ក្រុមហ៊ុនដែលជាប់ក្នុងបញ្ជីជ្រើសរើសបឋមដោយ គណៈកម្មការវាយតម្លៃ អំពីនិតិវិធីនៃការបំពេញសម្រង់តម្លៃសម្រាប់ចូលរួមដេញថ្លៃដោយផ្ទាល់នៅថ្ងៃ ទី២៣ ខែមេសា ឆ្នាំ២០២៦។
ក្រោយថ្ងៃប្រកាសជូនដំណឹងនេះ ក្រុមហ៊ុនសំណង់ទាំងឡាយ ដែលមានចំណាប់អារម្មណ៍ ចង់ចូលរួមដេញថ្លៃគម្រោងអាចដាក់ពាក្យស្នើសុំចូលរួម ដោយភ្ជាប់មកជាមួយនូវឯកសារដូចខាងក្រោម ៖
- លិខិតចំណាប់អារម្មណ៍របស់ក្រុមហ៊ុន ០១ ច្បាប់
- សៀវភៅប្រវត្តិការងារ ឬ ប្រូហ្វាល់របស់ក្រុមហ៊ុន ០១ ច្បាប់
- ឯកសារហិរញ្ញវត្ថុចំណូល និងចំណាយក្រុមហ៊ុន ៦ខែចុងក្រោយ ០១ ច្បាប់
- វិញ្ញាបនបត្រចុះបញ្ជីការអាជីវកម្មជាមួយក្រសួងពាណិជ្ជកម្ម ០១ ច្បាប់
- វិញ្ញាបនបត្រអាជ្ញាប័ណ្ណការសាងសង់ទទួលស្គាល់ពីក្រសួងដែនដី និងនគររូបនីយកម្ម និងសំណង់ ០១ ច្បាប់
- វិញ្ញាបនបត្រចុះបញ្ជីពន្ធដារ (អតប)របស់ក្រុមហ៊ុន ០១ ច្បាប់
- បណ្ណ័ពន្ធប៉ាតង់ (បានធ្វើបច្ចុប្បន្ន) ០១ ច្បាប់
- វិញ្ញាបនបត្រចុះបញ្ជីអ្នកទទួលការសាងសង់ របស់ក្រសួងសេដ្ឋកិច្ច និងហិរញ្ញវត្ថុ ០១ ច្បាប់
- ឯកសារបង់ពន្ធ និងវិក័យប័ត្របង់ពន្ធ៣ខែចុងក្រោយ ០១ ច្បាប់
- អត្តសញ្ញាណប័ណ្ណសញ្ញាតិខ្មែរឬលិខិតឆ្លងដែន ០១ ច្បាប់
បញ្ជាក់៖
- លិខិតចំណាប់អារម្មណ៍របស់ក្រុមហ៊ុន ត្រូវផ្ញើរមកកាន់ E-mailដែលបានផ្ដល់ជូននៅក្នុងព័តមានទំនាក់ទំនង។
- ពាក្យស្នើសុំចូលរួមដេញថ្លៃត្រូវយកឯកសារមកដាក់ផ្ទាល់នៅការិយាល័យ សមាគមបណ្ដុះកុមារ ០១ច្បាប់ និងផ្ញើជា Soft តាមរយៈតេឡេក្រាម០១ ច្បាប់។ ក្រុមហ៊ុនដែលមានបទពិសោធន៍ ក្នុងការសាងសង់ សូមអញ្ជើញចូលរួមក្នុងការស្នើសុំចូលរួមដេញថ្លៃ ដោយសេរី និងយុត្តិធម៌។
- ក្រុមហ៊ុនដែលចូលរួមដេញថ្លៃសាងសង់ និងកែលម្អអគារសិក្សាដែលឈ្នះការដេញថ្លៃនឹងផ្តល់ជូនកិច្ចសន្យាតែ ២សាលាប៉ុណ្ណោះហើយនឹងមិនអនុញ្ញាតឲ្យចូលរួមដេញថ្លៃសម្រាប់ការផ្គត់ផ្គង់គ្រឿងសង្ហារឹមទៀតឡើយ។
Please send CV and cover letter to
Email: rathida_sean@bandoskomar.org
Phone: 012295693
Website: https://www.bandoskomar.org
Please mention "www.Cambodiajobs.Biz" where you saw the ad when you apply!
