ក្នុងឱកាសអបអរសាទរខួបទី ៣១ឆ្នាំនៅកម្ពុជា និងជាកម្មវិធីមួយនៃកិច្ចការសង្គមក្នុងវិស័យអប់រំ (១៩៩២ - ២០២៣) សាលា ACE នឹងផ្តល់អាហារូបករណ៍ ១ឆ្នាំពេញដល់សិស្សនិស្សិតចំនួន ៣១នាក់។
ជាផ្នែកមួយរបស់ស្ថាប័នអប់រំ អាយ ឌី ភី (IDP) មជ្ឈមណ្ឌលអូស្ត្រាលីសម្រាប់ការបណ្តុះបណ្តាល (ACE) ឈានមុខលើពិភពលោកលើសេវាបង្រៀនភាសាអង់គ្លេស និងការបណ្តុះបណ្តាលជំនាញ ទទួលបានពានរង្វាន់ឆ្នើមលំដាប់អន្តរជាតិលើគុណភាព វិសាលភាព ការបង្កើតថ្មី និងការរួមចំណែកយ៉ាងសកម្មក្នុងកិច្ចការសង្គម។
សិស្សនិស្សិតជ័យលាភីអាចជ្រើសរើសម៉ោងសិក្សាដែលខ្លួនពេញចិត្តនៅសាលា ACE ណាមួយក្នុងចំណោម ៦សាខាក្នុងរាជធានីភ្នំពេញ និងខេត្តសៀមរាប ឬសិក្សាតាមប្រព័ន្ធអេឡិចត្រូនិច។
- រយៈពេលនៃការដាក់ពាក្យ ថ្ងៃទី ០៩ ដល់ ៣១ ខែ សីហា ឆ្នាំ២០២៣
- ការវាយតម្លៃសមត្ថភាព ថ្ងៃទី ០៩ ដល់ ៣១ ខែ សីហា ឆ្នាំ២០២៣
- ការប្រកាសលទ្ធផល ថ្ងៃទី ១០ ដល់ ១៦ ខែ កញ្ញា ឆ្នាំ២០២៣
- វគ្គសិក្សាចាប់ផ្តើម ថ្ងៃទី ១៩ ខែកញ្ញា ឆ្នាំ២០២៣
